मधुमेह म्हणजेच डायबेटीसची रुग्णसंख्या भारतात सातत्याने वाढत आहे. मधुमेह हा हृदयरोगासारख्या अन्य आजारांनाही निमंत्रण देत असतो. म्हणून हा आजार टाळणे आवश्यक असते. आहार व जीवनशैलीतील बदलांमुळे ते शक्य होते. याविषयीची माहिती डॉ. अश्विन सावंत यांनी 'मधुमेह विरुद्ध आपण' या पुस्तकातून दिली आहे.

भारतातील अतिपोषण व कुपोषण या समस्या, श्रीमंतांना होणारा आजार अशी ओळख असलेला मधुमेह २० व्या शतकात मध्यमवर्गीय व गरिबांच्या घरातही स्थिरावला. त्याची कारणे, हा आजार अनुवांशिक, जनुकीय कि आहारजन्य, तो कोणत्या वयात होतो, मधुमेहाचा धोका कोणाला, स्थुलत्वासाठी 'बीएमआय' चाचणी, स्थुलत्वामुळे होणारे आजार, मधुमेहाची जीवनशैलीसंबंधित कारणे,

आहारासंबंधी कारणे, नवीन धान्य स्थूलत्वास व मधुमेहास कारण, दुध व दुधाच्या पदार्थांचे अतिसेवन, मैद्याचे अर्थकारण, साखर, गोड पदार्थ, मद्यपान यांचा परिणाम, मधुमेह म्हणजे काय, इन्सुलिन प्रतिरोध, 'पीसीओएस'ची लक्षणे, मधुमेहाचे पूर्वरूप, मधुमेहाचे प्रकार, प्रकार १ व २ मधील फरक गर्भपरणातील मधुमेह, आवश्यक चाचण्या, रक्तातील साखर कशी तपासावी, मधुमेहींसाठी आहार, व्यायाम आदींबद्दल अगदी सविस्तर मार्गदर्शन लेखकाने केले आहे.